"Үнемі оқитын адам-табысты адам"

 №4 Тілеміс батыр  жалпы орта білім беретін мектеп кітапханасында "Балалар кітапханасы" жобасы аясында "Үнемі оқитын адам-табысты адам" тақырыбында оқырмандармен кездесу ұйымдастырылды. Іс-шара барысында оқырмандар оқыған кітаптары туралы талқылап ой қозғады.
 Мақсаты: Кітап оқу мәдениетін жақсарту, оқыған кітап әсерімен көпшілікпен бөлісіп, оқырмандарды шабыттандырып кітап оқуға шақыру. 

Кітап – адамзат баласының баға жетпес асыл құндылығы. Білім мен мәдениеттің биік белестеріне жетелейтін – тәрбие құралы. Шығыс ойшылы Науаи: «Кітап – ақылына ақы сұрамайтын алтын қазына» десе, Абай атамыз «Танымның бар тамашасы – кітапта, оған қол жеткізу үшін кітап оқудан жалықпа», «Артық ғылым кітапта, ерінбе оқып көруге» деп насихаттайды. Мағыналы сөздерден кітап оқудың кез келген тұлғаны дамытудың қайнар көзі. Халықтың осындай жан азығынан, рухани байлықтан қол үзіп бара жатқандықтан, мемлекет тарапынан дабыл қағылып жатыр. Президентіміз Қасым-Жомарт Тоқаев: “Кітап оқу – рухани кемелденудің көзі. Қазіргі уақыт – секунд сайын жаңарған ақпарат заманы. Алтын уақытымызды пайдалы істерге жұмсағанымыз жөн”, – деп әр тұлға оқуға тиіс деп санайтын отыз таңдаулы кітаптың тізімін ұсынған болатын. Қазір осы бағытта маңызды бағдарламалар жасалуда. Адамзат ақыл-ойының жиынтығы- кітапта болса, білім – соны сақтайтын қазыналы сандық.