Жазғы лагерь

А. Пайызова , М. Молдабекова  балалардың қимыл-қозғалыс арқылы естіген музыкаларынан алған сезімдерін білдіруге ынталандыру, ойынға деген құлшыныс-талпыныстарын мадақтау мақсатында  «Орамал тастамақ» , «Үстел үсті»  ойындарын өткізді. Балалар ойын барысында қимылдарды мәнерлі жеткізуге дағдыланып,   ұжымдық шығармашылыққа және берілген іске үлкен жауапкершілікпен қарауға ынталанды. Б.Дәулетбаева  балалардың ойлау шеберліктерін, эстетикалық талғамын ұштастыру, өнер түрімен қызықтыру,  іскерлікке тәрбиелеу  мақсатында  «Мозайка құрастыру» ойынын ойнатты. Мозайка құрастыру  арқылы балалар қиялын, ой ұшқырлығын, зейінін  жан- жақты дамытып, өз қабілеттерін  ретті және жүйелі  көрсете білді. 
Кітапханашы  А. Тулекова «Lego Poetry» тақырыбында балалармен ойын өткізді. Балалар құрастырғыш  заттардан мақал мәтелдер және өлең шумақтарын  құрастырды.