«Менің кіші отаным» жас тарихшылардың облыстық интеллектуалдық конкурсының облыстық кезеңі өтті

16.10.2023 жылы Тараз қаласында «Менің кіші отаным» жас тарихшылардың облыстық интеллектуалдық конкурсының облыстық кезеңі өтті. Байқаудың мақсаты: туған ел тарихына қызығушылық танытқан талантты 9-10 сыныптың  оқушыларын, олардың шығармашылық қабілеттерін анықтау, өскелең ұрпақ бойында қоғамдық белсенділікті және қазақстандық патриотизм мен азаматтық сезімді қалыптастыру, сонымен қатар, өлкетану мен Қазақстан тарихы бойынша оқушылардың білімдерін, ұлттық өзін-өзі анықтау және өзінің кіші отанына деген мақтанышын көрсетіп ары қарай дамуына жол ашу. Аудандық кезеңде  «Менің кіші отанымның тарихы» номинациясы бойынша  1 орын иеленген  9 «Ә» сынып оқушысы  Оразымбек Кәусар  облыстық кезеңге жолдама алған болатын. Облыстық кезеңде  «Менің кіші отанымның тарихы» номинациясы бойынша презентациясын қорғаған Кәусар жүлделі 3-ші орынды иеленді. Мектебіміздің мақтанышы, оқу үздігі Оразымбек Кәусарды жеңісімен құттықтаймыз!